Fab Lab kennsluefni

Sóknaráætlun Suðurlands, Nýsköpunarmiðstöð Íslands, Fab Lab Ísland og Sveitarfélagið Hornafjörður standa fyrir verkefninu Skapandi skólastarf á Suðurlandi – Nýsköpun og stafræn framleiðslutækni í grunnskólum og bjóða grunnskólum á Suðurlandi til samstarfs.

Markmið verkefnisins er innleiða þekkingu á stafrænni framleiðslutækni og gefa nemendum í grunnskólum Suðurlands tækifæri og færni til þess að virkja sköpunarhæfni sína með hjálp nýjustu tækni.

Hér er kennsluefni sem nýtist í Fab Lab smiðjum landsins ásamt grunn- og framhaldsskólum.

Kennsluefnið má nota án endurgjalds en athugasemdir um hvernig megi bæta efnið eru vel þegnar.

Gerð kennsluefnisins er áhersluverkefni Sóknaráætlunar Suðurlands á vegum Samtaka sunnlenskra sveitarfélaga, Fab Lab Íslands og Sveitarfélagsins Hornafjarðar.

Inngangur um stafræna framleiðslutækni

Verið velkomin í heim stafrænnar framleiðslutækni.

Hér hefur verið tekið saman efni sem nýtist við kennslu í stafrænni framleiðslutækni.

Hvað er Fab Lab?

Fab Lab kemur af ensku orðunum Fabrication Laboratory, eins konar framleiðslu tilraunastofa.

Fab Lab á rætur sínar að rekja til Center for Bits and Atoms hjá MIT háskólanum í Massachusetts í Bandaríkjunum.  Þeirri stofnun stýrir prófessor Neil Gershenfeld sem auk þess að stunda miklar rannsóknir á þessu sviði kennir hann áfanga hjá MIT sem heitir How to Make (Almost) Anything.  

Árið 2008 þegar fyrsta Fab Lab smiðjan á Íslandi var sett á laggirnar í Vestmannaeyjum höfðu 38 Fab Lab smiðjur verið stofnaðar.  Nú árið 2017 er fjöldi Fab Lab smiðja yfir 1100 talsins og fjöldi starfandi Fab Lab smiðja á Íslandi er nú 7

Tvívíddarhönnun

Í Fab Lab smiðjunum er ýmist hannað í vektorteikni forritum eins og Inkscape eða rasterteikniforritum eins og t.d. GIMP.

Þrívíddarhönnun

Mögulegt er að notast við hvers konar þrívíddar forrit í Fab Lab smiðjunum en hér er listi yfir forrit sem notuð eru.

Rafeindatækni og forritun

Í Fab Lab smiðjunum er gefin innsýn í heim lágspennurafeindatækni með sérstakri áherslu á s.k. embedded electronics.  Þar er mögulegt að gera eigin rafrásir, lóða örgjörva, skynjara o.fl. til þess að gera eigin örtölvur og forrita þær.

Tækjabúnaður í Fab Lab

Í Fab Lab smiðjunum er margs konar búnaður, eins og t.d. laserskerar,  vinylskerar, þrívíddarprentarar
stórar fræsivélar og fín fræsarar.