Fab Academy er alþjóðlegt nám í stafrænni framleiðslutækni þar sem áhersla á er lögð á verklega þjálfun.  Nemendur í Fab Acacemy öðlast hæfni á mikilvægum sviðum sem tengjast tölvum, rafeindatækni, forritun og stafrænni framleiðslutækni en þekking á þessum svipum nýtur eftirspurnar í atvinnulífinu hér á landi og víða um heiminn.

Námið býður upp á einstakt tæki færi til þess að læra um stafræna framleiðslutækni með góðu aðgengi að fullkomnum tækjabúnaði og aðstöðu.

 

Námið er í 6 mánuði og er kennt af Neil Gershenfeld prófessor hjá MIT háskólanum í Boston í Bandaríkjunum frá janúar til júní.

Frábær reynsla fyrir nemendur

Í náminu er farið yfir hvernig hægt er að fá hugmyndir, útfæra hugmyndir, gera frumgerðir og skrásetja ferli og frá frábæra reynslu í notkun á stafrænum framleiðslutækjum.

Í náminu er farið yfir grunnatriði hönnunar í tvívídd og þrívídd ásamt tölvustýrðri framleiðslutækni.  Farið er yfir hönnun rafrása, notkun skynjara og úttækja ásamt því hvernig örgjörvar eru forritaðir.    Þá er einnig farið yfir mótagerð,  vélahönnun, þrívíddarskönnun og þrívíddarprentun og síðast en ekki síst notkun á tölvustýrðum fræsivélum stórum og litlum, þrívíddarprentara, vinylskera, laserskera, og margt fleira.

Nemendur eru að undirbúa sig ýmist beint fyrir atvinnulífið eða  undir frekara nám sem tengist stafrænni framleiðslutækni á einn eða annan hátt.

Námið býr nemendur undir störf eða frekara nám í fjölmörgum greinum atvinnulífsins á 21.öldinni.

Nemendur í Fab Academy færa mikilvæga þekkingu inn á vinnustaði með þekkingu á því nýjasta sem er að gerast í tækniheiminum í dag.  Nemendur í sem hyggja á frekara nám koma betur undirbúnir til náms hvort sem það er á sviði lista, verkgreina, skapandi greina, verk- og tæknifræði, rafmagns- eða tölvunarfræði eða hvaðeina sem krefst skapandi færni.

Alþjóðlegt nám

Árið 2018 stunda um 270 nemendur á 65 stöðum í heiminum nám í Fab Academy og þar á meðal í Fab Lab smiðju Nýsköpunarmiðstöðvar Íslands í  Framhaldsskólanum í Vestmannaeyjum og í Fjölbrautaskólanum í Breiðholti.   Ásamt Boston, Amsterdam, Barcelona, Oslo, Shenzhen

Árið 2019 verður námið einnig í boði við Menntaskólann á Ísafirði, Verkmenntaskólann á Akureyri og Framhaldsskólann í Austur- Skaftafellssýslu.

 

Námið fer þannig fram að prófessor Neil Gershenfeld hjá MIT heldur fyrirlestra alla miðvikudaga þar sem farið er yfir verkefni nemenda og kennt nýtt kennsluefni og verkefni lögð fram fyrir næstu viku.  Verkefnavinna fer fram alla daga undirleiðsögn í Fab Lab smiðjunum en á mánudögum fara fram fyrirlestrar gestafyrirlesara sem standa framarlega í sínu fagi og kynna fyrir nemendum verkefni, störf og aðferðir.  Á þriðjudögum fer fram yfirferð verkefnavinnunnar í norrænum Fab Lab smiðjum.  

 

Nánari upplýsingar um Fab Academy má finna á www.fabacademy.org